Tarragonako Darmós herrian jaioa, dantza (klasikoa eta espainiarra), pianoa eta kantu koralaren bidez sartu zen artearen munduan. Bartzelonako Liceuko Kontserbatorioan graduatu zen kantu eta interpretazioan, eta 2013an egin zuen operako debuta Rossini Opera Festivalen, Folleville (Il viaggio a Reims) gisa. Lehiaketa askotan nabarmendua izan ondoren, hala nola Tenor Viñas (2016), non zortzi sari irabazi baitzituen, hainbat antzoki eta jaialdi entzutetsutan aritu da, hala nola Gran Teatre del Liceu, Teatro Real, Teatro Regio, Teatro Verdi, Teatro Chaikovski, Teatro del Maggio, eta Salzburgoko Jaialdian, Norina (Don Pasquale), Lucia di Lammermoor (Lucia di Lammermoor), Adina (L 'elisir de amore), Königin der Nacht (Die Zauberflöte) edo Zerbinetta (Ariadauf Naxos) paperak abesten. Kontzertu jarduera esanguratsua ere badu, errepertorio sinfonikoa, oratorioa, abestia eta errezitaldia barne.

Julius Drake Londresen bizi da. Bere alorreko instrumentistarik onenetakoa bezala lortu du nazioarteko ospea, eta munduko artista nagusi askorekin elkarlanean aritzen da. The New Yorkerrek "piano-jotzaile paregabe" gisa deskribatu du. Aldizka, auditorioetan eta musika jaialdi nagusietan agertzen da. Abestiarekiko duen zaletasun sutsua dela eta kantu multzoak diseinatzeko gonbidatu dute Londresko Wigmore Hall, BBC eta Amsterdameko Royal Concertgebouw jaialdietarako. Londresko Middle Temple Hall historikoan, bere urteroko kantaldi sortan – Julius Drake and Friends-en – errezitaldiak aurkeztu ditu Thomas Allen, Olaf Bär, Ian Bostridge, Angelika Kirchschlager, Iestyn Davies, Veronique Gens, Felicity Lott, Simon Keenlyside, Christopher Maltman edo Christoph Prégardien bezalako abeslari nabarmenekin.