Gaubea udalerriak, Gasteiztik ordu erdira eta Burgosekin muga eginez, hiru tenplu eder eskaintzen ditu Schubertaldiaren eszenatoki gisa.

Jasokundeko Ama Birjina, Tuestan, trantsizio erromantiko-gotikoan eraiki zen, Erdi Aroko artearen historiari buruzko benetako erakusleihoa bihurtuz. Portadak, historiatutako zazpi arkiboltaz osatutako multzo batek, landa eremuko eguneroko bizitzako eszenak eta beste batzuk teologikoagoak nahasten ditu. Barruan, gaur egun, bi aldare ditu: bata, ekialdera begira dagoen abside erromaniko bikainean; eta bestea, koruaren antzinako lekuan, XVI. mendearen bukaerako erretaula bat duena, Errenazimendu aurreratuari dagokiona eta Mariaren Jasokundeari eskainia.

Bachicaboko San Martin XVI. mendean eraiki zen, lehen tenplu erromaniko bat zegoen tokian. Barruan erretaula barroko garrantzitsu bat du, tailuz eta olio-pinturaz osatua. Flandestar ahaidetasun argiko sei mihise ditu, eta horien artean nabarmentzekoak dira San Martin bere kapa zatitzen eta Eraistea, hurrenez hurren Rubens-i eta Van Dyck-i lotuak. Arabako Foru Aldundiko Zaharberritze Zerbitzuak, erretaula desmuntatzean, XVI. mendearen erdialdean karez egindako horma-pintura bat aurkitu zuen haren atzean, hau da, erretaula eraiki baino 100 urte lehenago. Une honetan, bi obrak in situ miretsi daitezke.

Jaunaren Itxuraldaketaren Eliza, Salbatzailearena, XVI. mendean eraiki zen barroko estiloan, jatorrizko oinplano biribil batekin, Erdi Aroko aurreko beste baten gainean. Jatorrizkotik fatxada baino ez da kontserbatzen, eta ongietorriaren sinbolo bat kanpoan. XX. mendean, dorrearen altuera handitu egin zen, elizak behar besteko prestutasunik ez zuela uste zelako herrian, dorreak hain altuera txikia zuelako. Erretaula nagusia churrigueresko estilokoa da, eta oskoldun egitura eta zutabe salomonikoak ditu. Elizaren sarreran gurutziltzatutako Kristoa ikusiko dugu, Espejoko jendeak duen robacristos ezizena sortu zuena, Independentzia Gerraren ondoren Gesaltza-Añanako San Kristobal elizatik eraman baitzuten.

Gaubea (Araba), Gasteiztik 40 km-ra

Nola iritsi

{slider title="Bilbotik"}

1. Tuesta: AP-68 autobidea 6. irteeraraino eta ondoren A-2622 eta A-4319 errepideak.
2. Bachicabo: AP-68 autobidea 6. irteeraraino eta ondoren A-2622, A-2625 eta A-4326 errepideak.
3. Espejo: AP-68 autobidea 6. irteeraraino eta ondoren A-2622 eta A-2625 errepideak

{slider title="Gasteiztik"}

1. Tuesta: Nazionala N-102 eta A-1/E-80 autobia 340 irteeraraino, A-2622 eta A-4319 errepideetatik joateko.
2. Bachicabo: Nazionala N-102 eta A-1/E-80 autobia 340. irteeraraino, A-2622, A-2625 eta A-4326 errepideetatik joateko.
3. Espejo: N-102 eta A-1/E-80 autobidea 340 irteeraraino, A-2622 eta A-2625 errepideetatik joateko